MAI MARTABA SARKIN FIKA A JAHAR YOBE YA KIRAYI SABABBIN DAGATAI 8 DA YA NADA DA SU ZAMA JAGORORI

August 18, 2017

1435

MUHAMMAD Sani Gazas Chinade, DAGA DAMATURU

MAI martaba sarkin Fika kuma shugaban majalisar sarakunan Jahas Yobe

Alhaji Abali Ibn muhammad Idris ya kiirayi sababbin Dagatai da

Lamba-Lamba guda 8 da ya nada a masarautarsa da su zama jagorori

nagari abin kwatance ga na baya.

Mai martaba sarkin na Fika ya bayyana hakan ne yayin da ya ke jawabin

gargadi ga sababbin dagatai da Lamba-Lamba da ya nada a masarautarsa

ta Fika da ke garin Potiskum a kwanakin baya.

Ya kara da cewar, a matsayinsu na jagororin al\’umma suna da rawar

takawa dangane da ci gaban yankunansu, don haka ya zama wajibi su

gudanar da mulki bisa adalci tare da samar da daidaito tsakanin

al\’ummominsu.

Daga nan sai ya neme su da su dukufa su da al\’ummominsu da addu\’ar

Allah (SWT) Ya ci gaba da bamu zaman lafiya a wannan yanki da Jahar

Yobe da ma kasa baki daya.

Da ya ke jawabi bayan nada shi a matsayin Lamban masarautar Farsawa

sabon Lawanin Alhaji Dahiru Malam ya godewa Mai martaba Sarkin na Fika

ne dangane da wannan mukami da ya ba shi tare bada tabbacin gudanar da

mulkinsa bisa adalci don tsira anan duniya da kuma kiyama.

Daga nan sai sabon Lamban ya nemi al\’ummar masarautarsa ta Farsawa da

su ba shi hadin kai da goyon baya don gudanar da mulkinsa bisa adalci,

domin da goyon bayansu ne zai samu damar sauke nauyin da Allah (SWT)

Ya dora masa.